ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის დეკანის ბრძანება ფაკულტეტზე „მიზნობრივი სამეცნიერო-კვლევითი პროექტების“ განხორციელების შესახებ

ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის 2022 წლის ბიუჯეტის მუხლი - 2.2-ის საფუძველზე ვბრძანებ:

1. ჩატარდეს „მიზნობრივი სამეცნიერო-კვლევითი პროექტების“ კონკურსი;

2. „მიზნობრივი სამეცნიერო-კვლევითი პროექტების“ განსახორციელებლად ფაკულტეტის 2022 წლის ბიუჯეტიდან გამოიყოს 50 000 ლარი;

3. კონკურსის პირობები:

3.1. პროექტის თემატიკა უნდა შეესაბამებოდეს ფაკულტეტის  ძირითად  სასწავლო მიმართულებებს;

3.2. პროექტში მონაწილეობა შეუძლია  მხოლოდ ფაკულტეტის აკადემიურ პერსონალსა და სტუდენტს;

3.3. სავალდებულოა პროექტში სხვადასხვა საგანმანათლებლო საფეხურის არანაკლებ 3 აქტიური სტატუსის სტუდენტის ჩართვა; ბაკალავრიატის სტუდენტის რეიტინგი უნდა იყოს არანაკლებ 3,0 GPA-სა და დაგროვილი უნდა ჰქონდეს 90 კრედიტი მაინც;

3.4. პროექტის ღირებულება არ უნდა აღემატებოდეს 15 000 ლარს;

4. კონკურსში მონაწილეობის მსურველებმა საპროექტო წინადადება უნდა წარმოადგინონ თანდართული მოთხოვნის მიხედვით (იხ. დანართი და შესავსები ბიუჯეტის ფორმა; 

5. საკონკურსო პროექტების ბმულზე ატვირთვის ვადა:  1 მარტი, 13:00 სთ;

6. გამარჯვებული პროექტები გამოცხადდეს 14 მარტს;

7. პროექტის მაქსიმალური ხანგრძლივობაა 8 თვე (2022 წლის 1 აპრილიდან -30 ნოემბრამდე);

8. პროექტის   მონაწილეთა ანაზღაურება განხორციელდეს ეტაპობრივად, პროექტის ხელმძღვანელის მიერ პროექტის ფარგლებში შესრულებული სამუშაოს წარდგენის შემდგომ;

9. დაფინანსებული სამეცნიერო-კვლევითი პროექტის მართვას ახორციელებს პროექტის ხელმძღვანელი, რომელიც ასევე პასუხისმგებელია  საბიუჯეტო თანხების მიზნობრივ ხარჯვაზე;

10. პროექტის დასრულებიდან 10 თვის განმავლობაში პროექტის ხელმძღვანელმა უნდა უზრუნველყოს საერთაშორისო რეცენზირებად ჟურნალში სამეცნიერო პუბლიკაციის წარდგენა;

11. პროექტების შერჩევას, გამარჯვებული სამეცნიერო-კვლევითი პროექტების მიმდინარეობისა და შედეგების მონიტორინგს ახორციელებს საკონკურსო კომისია შემდეგი შემადგენლობით:

1. თეონა მატარაძე - კომისიის   თავმჯდომარე,   ასოცირებული    პროფესორი, დეკანის მოადგილე;

2. გიორგი გოგსაძე - პროფესორი,კომისიის თავმჯდომარის მოადგილე, საზოგადოებრივი გეოგრაფიის მიმართულება;

3. ხათუნა მაისაშვილი -  კომისიის მდივანი,  ასოცირებული პროფესორი, ჟურნალისტიკისა და მასობრივი კომუნიკაციის მიმართულება;

4.  ლია წულაძე - პროფესორი,  სოციოლოგიისა  და  სოციალური  მუშაობის მიმართულების ხელმძღვანელი;

5.  დავით მაცაბერიძე - პროფესორი,   საერთაშორისო     ურთიერთობების მიმართულება;

6. თამარ ქარაია - ასოცირებული პროფესორი, პოლიტიკის მეცნიერების მიმართულება;

7.   თეა ვახანია -  ფაკულტეტის ფინანსური კონსულტანტი.

     12.  სამეცნიერო - კვლევითი პროექტები შეფასდება შემდეგი კრიტერიუმებით:

საკვლევი თემის აქტუალურობა და აკადემიური ლიტერატურის მიმოხილვა - 20 %

სამეცნიერო-კვლევითი  პროექტის სამეცნიერო ღირებულება,  ინოვაციურობა და გავრცელება- 20 %

კვლევის მეთოდოლოგია - 20 %

ბიუჯეტი-20%

აქტივობები,  მათი  განმახორციელებელი  პერსონალის კომპეტენციის გათვალისწინებით - 20%

13. ფაკულტეტის დეკანის სამდივნომ უზრუნველყოს დაინტერესებულ პირთათვის ბრძანების გაცნობა და თვალსაჩინო ადგილზე განთავსება;

14. ბრძანება ძალაშია გამოცემისთანავე.